Stricker heldur sig við takmarkaða mótaskrá

Steve Stricker fækkaði á þessu ári þeim mótum sem hann spilaði í á PGA Tour og það reyndist svo vel að hann ætlar að halda sig við takmarkaða mótaskrá sína á árinu 2014, líka.

Hinn 46 ára Stricker viðurkenndi að hann hafi verið að hugsa um að halda sér frá keppni mestallt árið þar sem hann taldi að Tournament of Champions mótið í Maui á Hawaii myndi verða það síðasta sem hann spilaði í.

„Hvað ef ég færi til Kapalua til að verja titil minn og spilaði ekkert afganginn af árinu?“ hugsaði Stricker.

En hann ákvað loks að pakka kylfunum ekki niður og spilaði í 13 mótum á árinu 2013, þar sem það síðasta sem hann spilaði í var Franklin Templeton Shootout, sem lauk nú nýverið.

„Þetta (að spila í færri mótum) reyndist vel á síðasta ári,“ sagði Stricker í viðtali við pgatour.com. „Ég vildi bara vera ferskur og vel undirbúinn í hverju móti sem ég spilaði í, og það var ég.“

Stricker var í ár í sigurliði Forsetabikarsins, en einsamall var besti árangur hans á árinu að hann landaði 3. sinnum í 2. sæti.

En dæmið gekk upp hjá honum og hann ætlar enn á ný bara að spila í nokkrum völdum mótum af hans hálfu og fyrsta mótið sem hann tekur þátt í 2014 er heimsmótið í holukeppni  (ens. World Golf Championships-Accenture Match Play Championship) sem hefst seint í febrúar 2014.

 „Mér fannst sem ég gæti með þessu móti enn spilað vel svona,“ sagði hann um fækkun móta á dagskrá sinni. „Það skiptir miklu að hafa hlutina í lagi í huganum og líða vel með ákvarðanir sínar,“ sagði Stricker loks.