Stm Kentucky Derby sagt að fá Vonn og Nordegren sæti sem lengst frá hvor annarri

Skipuleggjendum Kentucky Derby var sagt að fá fyrrum eiginkonu Tiger Woods,  Elínu Nordegren og fyrrum kærustu Tiger Lindsey Vonn sæti, sem lengst frá hvor annarri.

Elín var gift Tiger til 2010 og Lindsey var með Tiger frá mars 2013-maí 2015.

Skv. heimildum var starfsmönnum Derbysins sagt að „Lindsey væri á leiðinni en yrði að fá sæti á öðrum stað langt frá Elínu.“

Lindsey segist ekkert hafa farið fram á neitt slíkt og sér komi ágætlega saman við Elínu.

Elín skildi við Tiger eftir að upp komst um fjölmörg framhjáhöld hans 2009, en svo virðist að meðan Lindsey var með Tiger hafi farið vel á með þeim; þær sáust m.a. sitja saman á hafnarbolta leik sonar Tiger, Charlie í apríl 2014.

Elín sem var í fallegum gulum kjól á Derby-inu er sögð hafa verið mikill aðdáandi Lindsey; hún hafi virt hana sem „sterka konu“ og sagði eitt sinn að „sér líkaði virkilega við hana vegna þess að börnunum hennar líkaði við hana.“

Elín Nordegren

Lindsey, sem líka var töff klædd staðhæfði að hún hefði aldrei farið fram á að fá sæti frá Elínu „þeim kæmi vel saman.“

Lindsey líka töff klædd á Derby-inu

Lindsey vildi hins vegar ekki að ljósmyndir yrðu teknar af henni á Derby-inu. Hún átti í vandræðum með að komast inn því henni hafði verið fengið rangt aðgangsarmband.

En þegar hún loks komst inn varði hún kvöldinu á VIP svæðinu við hlið söngvarans Joey Fatone.

Lindsey Vonn, sem skildi við Tiger, 39 ára, í maí á síðasta ári segir að hún sjái ekki eftir neinu, sbr.:

„Ég sé ekki eftir neinu, ég elskaði Tiger og átti ótrúleg 3 ár með honum,“ var haft eftir henni í NY Times.

Vonn, 31 árs, skyldi við eiginmann sinn Thomas Vonn í janúar 2013 og segist hafa verið tiltölulega óreynd í ástarmálum þegar hún hóf samband sitt við Tiger aðeins nokkrum mánuðum eftir skilnað sinn.

„Thomas var fyrsti alvöru kærastinn minn þannig að ég hafði enga reynslu af því að vera með öðrum. Þannig að það að stökkva í nýtt samband strax eftir skilnaðinn var líklega ekki það skynsamlegasta af minni hálfu,“ viðurkenndi Lindsey.

Þau Tiger byrjuðu að deita aðeins nokkrum mánuðum eftir að gengið var frá skilnaði hennar og var sambandið mjög umtalað vegna þess hversu mikil skíðadrottning Lindsey er og eins vegna fortíðar Tiger í kvennamálum.

Tiger var með fjölmörgum konum 2009 og hélt villt og galið framhjá Elínu eiginkonu sinni og margir sem spáðu því að samband hans við Lindsey yrði ekki langlíft.

Hin 36 ára Elín, sem á dótturina Sam og soninn Charlie með Tiger sagði að „orðið svik væri ekki nógu sterkt,“ í viðtali við People, eftir að hún hefði komist að framhjáhöldum hans.

En hvernig sem það var tókst henni að fyrirgefa Tiger og náði jafnvel að verða vinkona Lindsey.  Eftir skilnaðinn hlaut hún
$ 100 milljónir.

Allt virtist vera í góðu milli Elínar og Lindsey og engin skýring á því af hverju starfsmenn Kentucky Derby var sagt að þær mættu ekki sitja nálægt hvor annarri.

Elín tjáir sig ekki um málið og eru fleiri á því að þetta sé að hennar beiðni, því Lindsey kom fram og harðneitaði að hafa farið fram á neitt slíkt.

Þrátt fyrir að Tiger hafi brotið hjarta bæði Lindsey 31 árs og Elínar 36 ára … heldur lífið áfram og nú er Lindsey í óstaðfestu sambandi með leikaranum Alexander Ludwig, leikara í The Hunger Games. Sást til þeirra í West Hollywood í síðasta mánuði þar sem hann hélt um mitti Lindsey og fór verulega vel á með þeim og þau snæddu saman. Þau hafa hvorugt staðfest að þau séu saman og því talið að þau séu single.

Elín, 36 ára var heldur ekki lengi að ná sér billjóna kærasta, þar sem er Chris Cline, 57 ára og þau fóru saman á skíði í Sviss í mars.

Þau virtust mjög ástfangin þó þau hefðu áður sagst vera hætt saman í ágúst 2014. Í mars sást til þeirra þar sem þau föðmuðust og kysstust á lúxus-skíðastað i St. Moritz í Sviss.

Úff, ofangreint er semsagt það sem við hér á Golf 1 köllum dæmigerða ekki-golffrétt… en slíkar ekki-fréttir eru samt alltaf vinsælar, og þær eru birtiar því ekkert sem á jafnvel allra minnsta hátt snertir golf er Golf 1 óviðkomandi!!!