Stigamótaröðin 2023 (1): Ragnhildur og Sigurður Arnar sigruðu í Leirumótinu!

Ragnhildur Kristinsdóttir, GR, og Sigurður Arnar Garðarsson, GKG, sigruðu á Leirumótinu sem fram fór á Hólmsvelli í Leiru 2.-4. júní. Þetta var fyrsta mót tímabilsins á stigamótaröð GSÍ 2023.

Golfklúbbur Suðurnesja var framkvæmdaraðili mótsins – sem telur til stiga á heimslista áhugakylfinga en bæði áhugamenn og atvinnumenn höfðu keppnisrétt á þessu móti.

Alls tóku 124 keppendur þátt sem er talsverð fjölgun frá því í fyrra, 92 karlar og 32 konur.

Efstu kylfingar í kvennaflokki:

Lokastaðan er hér:

1. Ragnhildur Kristinsdóttir, GR, 225 högg (+9) (74-76-75).
2. Berglind Björnsdóttir, GR, 234 högg (+18) (74-79-81).
3. Heiðrún Anna Hlynsdóttir, GOS, 235 högg (+19) (76-80-79).
4.-5. Anna Júlía Ólafsdóttir, GKG, 238 högg (+22) (79-80-79).
4.-5. Fjóla Margrét Viðarsdóttir, GS, 238 högg (+22) (75-82-81).
6.-7. Eva Fanney Matthíasdóttir,GKG, 240 högg (+24) (83-78-79).
6.-7. Andrea Ýr Ásmundsdóttir, GA, 240 högg (+24) (78-80-82).
8. Pamela Ósk Hjaltadóttir, GM, 241 högg (+25) (76-86-79).
9. Saga Traustadóttir, GKG, 242 högg (+26) (76-85-81).
10.-11. Eva Kristinsdóttir 243 högg (+27)(81-81-81).
10.-11. Helga Signý Pálsdóttir, GR, 243 högg (+27)(76-81-86).

Efstu kylfingar í karlaflokki:

Lokastaðan er hér:

1. Sigurður Arnar Garðarsson, GKG, 213 högg (-3) (72-69-72).
2. Birgir Björn Magnússon, GK, 214 högg (-2) (72-69-73).
3. Kristján Þór Einarsson, GM, 217 högg (+1) (69-71-77).
4. Logi Sigurðsson, GS, 220 högg (+4) (75-71-74).
5.-6. Kristófer Karl Karlsson, GM, 221 högg (+5) (70-78-73).
5.-6. Jóhannes Guðmundsson, GR, 221 högg (+5) (70-75-76).
7.-11. Heiðar Davíð Bragason, GA, 222 högg (+6) (72-78-72).
7.-11. Ragnar Már Garðarsson, GKG (+6) 222 högg (74-76-72).
7.-11. Dagbjartur Sigurbrandsson, GR, 222 högg (+6) (71-76-75).
7.-11. Kristófer Orri Þórðarson, GKG, 222 högg (+6) (73-74-75).
7.-11. Elvar Már Kristinsson, GR, 222 högg (+6) (69-77-76).

Keppendur komu frá 14 klúbbum og níu klúbbar vorumeð keppendur í báðum flokkum, kvenna – og karla.

GKG, GR og GM voru samtals með tæplega 60% af öllum keppendum mótsins.

Þriðji hver keppandi í kvennaflokki var frá Golfklúbbi Mosfellsbæjar sem var með 10 keppendur af alls 32.

Smelltu hér fyrir stöðuna í mótinu.

Hólmsvöllur í Leiru kemur vel undan vetri og gáfu keppendur vellinum góða dóma eftir mótið. Starfsfólk GS lagði mikla vinnu í að gera völlinn eins góðan hægt er – og lögðu margir hönd á plóginn í því verkefni.

Karen Guðnadóttir, GS, á vallarmetið á bláum teigum sem er 68 högg (-4) og var sett þann 7. júlí 2016.

Vallarmetið af hvítum teigum er 65 högg (-7) og það eru tveir kylfingar sem deila þeim árangri.

Gunnar Þór Jóhannsson, GS, 65 högg (-7) 30. júní 2001 og Axel Bóasson, GK, 65 högg (-7) 21. júlí 2011.

Meðalaldur – yngst og elst

• Meðalaldur keppenda í kvennaflokki er 21 ár og 25 ár í karlaflokki.
• Yngsti keppandinn í karlaflokki er Hjalti Kristján Hjaltason, GM, en hann er fæddur árið 2010 og er því 13 ára.
• Hjalti Pálmason, GM, faðir Hjalta, er elsti keppandinn í mótinu en hann er 54 ára.
• Pamela Ósk Hjaltadóttir, GM, systir Hjalta Kristjáns, er næst yngsti keppandinn í kvennaflokki en hún er fædd árið 2008 og er 15 ára.
• Eva Fanney Matthíasdóttir, GKG, er yngsti keppandinn í kvennaflokki en hún er fædd árið 2009 og er því 14 ára.
• Elstu keppendurnir í kvenna – og karlaflokki eru bæði úr GM, en Hekla Ingunn Daðadóttir er elst í kvennaflokki, 46 ára.

Fjölskyldumót

• Það eru ýmsar fjölskyldutengingar hjá keppendum í Leiru-mótinu.
• Eins og áður segir er Hjalti Pálmason að keppa á sama móti og dóttir hans og sonur.
• Hekla Ingunn Daðadóttir er einnig að upplifa þetta mót ásamt syni sínum, Andra Má Guðmundssyni, sem er fæddur árið 2001.
• Heiðar Davíð Bragason, íþróttastjóri Golfklúbbs Akureyrar, sem fagnaði sínum fyrsta Íslandsmeistaratitli á Hólmsvelli í Leiru árið 2005, er á meðal keppenda líkt og sonur hans, Veigar Heiðarsson. Veigar er fæddur árið 2006 og verður 17 ára í desember en faðir hans er fæddur árið 1977.
• Systkinin Helga Signý Pálsdóttir og Böðvar Bragi Pálsson, bæði úr GR, eru á meðal keppenda en þau sigruðu bæði í flokki 17-21 árs á unglingamótaröðinni í síðustu viku. Systkinin Jóhanna Lea Lúðvíksdóttir, GR, og Bjarni Þór Lúðvíksson, NK, eru með líkt og bræðurnir úr GKG, þeir Sigurður Arnar Garðarsson og Ragnar Már Garðarsson. Tvíbuarsysturnar úr GM Auður Bergrún Snorradóttir og Birna Rut Snorradóttir eru á meðal keppenda.

Leikfyrirkomulag

Höggleikur í flokki karla og kvenna, 54 holur leiknar, 18 holur á föstudegi, 18 holur á laugardegi og 18 holur á sunnudegi. Niðurskurður verður eftir annan hring en þá komast áfram 70% af fjölda keppenda úr hvorum flokki. Ef keppendur eru jafnir í neðstu sætum ofan niðurskurðarlínu skulu þeir báðir/allir halda áfram. Keppt skal samkvæmt gildandi reglugerð um stigamót karla og kvenna og móta- og keppendareglum GSÍ.

Keppnisskilmálar.

Keppandalistinn er hér fyrir neðan, raðað eftir forgjöf.