Stefnumótunarfundur GSÍ n.k. laugardag 24. mars

Þing Golfsambands Íslands, haldið í Garðabæ 19. nóvember 2011, samþykkti að efna til stefnumótunarvinnu um framtíðarsýn, hlutverk, skiplag, verkefni og fjármögnun Golfsambandsins næstu árin. Stjórn GSÍ var falið að skipa sjö manna nefnd til að fara fyrir verkefninu og leggja drög að framangreindu á grundvelli þeirra tillagna, sem nefndinni berast.

Nefndin hefur ákveðið að efna til stefnumótunarfundar sem haldin verður í formi „þjóðfundar“ n.k. laugardag 24. mars frá kl.13-17, þar sem ætlunin er að ræða starfsemi golfsambandsins í sem víðasta skilningi og í framhaldinu leggja mat á hvaða verkefni ber að leggja áherslu á í stefnu og starfsemi sambandsins til næstu ára.

Leitað var til golfklúbbanna um að tilnefna fulltrúa á stefnumótunarfundinn og eins var leitað til almennra kylfinga samkvæmt random úrtaki um að sækja fundinn. Skráning stendur nú yfir og vantar ennþá nokkra þátttakendur á fundinn. Þeir sem eru áhugasamir að taka þátt í fundinum geta skráð sig með því að senda póst á gsi@golf.is.

Heimild: golf.is