Sophie Gustafson hættir á LPGA – ætlar bara að spila á LET

Sophie Gustafson, 39 ára, er ekki að hætta í golfi…. bara á LPGA.

Hún mun spila á LET 2014, þ.e. Evrópumótaröð kvenna, þar sem hún hefir sigrað 16 sinnum og er með lífstíðarkeppnisrétt.

Samkeppnin fyrir hana er bara orðin of hörð á LPGA.

„Sveiflan mín er eins góð og hún hefir verið en andlega þarf ég bara að dekra svolítið við mig,“ sagði Sophie í tölvupósti sem hún sendi Golfweek.

Þessi hávaxni, íþróttamannslegi sænski kylfingur með fallega brosið, skarpa húmorinn og stamið ætlar að færa sig nær heimslóðunum á LET.

„Ég vil bara fara aftur heim og bara hafa gaman aftur af því að spila,“ sagði Gustafson. „Ef það færir mér sjálfstraustið aftur, þá hver veit? Það eina sem ég veit er að ég verð ekki að spila á LPGA árið 2014.“