Sonur Seve Ballesteros, Javier, spilar á Evróputúrnum á næsta ári

Javier Ballesteros, 21 árs, ætlar að hvíla sig á laganámi sínu og taka þátt í Majorca Open í maí á næsta ári, er haft eftir spænska dagblaðinu Marca í dag.

Javier Ballesteros

„Ég er með boð um að spila í maí á næsta ári á Majorca Open og ég mun örugglega taka þátt,“ sagði Javier, sem er með 1 stafs tölu í forgjöf.

„Svo þegar ég hef lokið laganámi mínu myndi mig langa til að reyna við atvinnumennskuna.“

„Meðan á námi mínu stendur get ég ekki æft mikið. Ég slæ 200 bolta á hverjum degi en get aðeins spilað 1 sinni í viku og maður lærir mest á því að spila.“

Eftir andlát föður síns varð Javier að fá sér nýjan golfþjálfara.

„Pabbi kenndi mér alltaf,“ sagði Javier. „Nú get ég ekki leitað til hans þannig að Angel Matallana frá Pedrena aðstoðar mig við sveiflu mína í Club Santander.“

Jose Maria Olazabal, sem er fyrirliði liðs Evrópu í Ryder Cup 2012 sagði að hann væri ánægður að sonur náins vinar síns (Seve) skuli reyna að feta í fótspor föður síns.

„Ég hef ekki séð hann spila í langan tíma en hann hefir bara lifað og elskað leikinn frá því hann var smákríli,“ sagði Olazabal.

„Hann hefir farið í gegnum svo margt þessi síðustu ár, þannig að hann hefir þroskast fljótt.“

Nr. 1 í heiminum, Luke Donald, sem spilaði með Javier í Madrid Masters fyrir 2 vikum sagði: „Ég dáist mjög að Javier, hann er svo líkur pabba sínum. Ég tel að þetta hljóti að vera í genunum.“

Seve Ballesteros hóf feril sinn á Evróputúrnum í apríl 1974 á Opna spænska. Hann náði ekki niðurskurði í fyrsta móti sínu, en vann síðan 5 risamót og 50 titla Evrópumótaröðinni.