Sólskinstúrinn: Charl Schwartzel með yfirburðaforystu fyrir lokahringinn á Alfred Dunhill Championship

Charl Schwartzel átti glæsilegan hring á 3. degi Alfred Dunhill mótsins á Leopard Creek golfvellinum í Malelane, Suður-Afríku.

Hann lék á 8 undir pari, 64 höggum fékk 10 fugla, 6 pör og 2 skolla.  Samtals er Schwartzel búinn að spila á 21 undir pari, 195 höggum (67 64 64).

Í 2. sæti, 10 höggum á eftir Schwartzel er Frakkinn Grégory Bourdy.  Hann lék á 2 yfir pari, 74 höggum í dag og er samtals búinn að spila á 11 undir pari, 205 höggum (66 65 74).

Charl  Schwartzel sigraði um síðustu helgi á Thaíland Golf Championship með 11 högga mun á næsta mann og virðist líklegur til að ætla að endurtaka leikinn á heimavelli.

Í þriðja sæti eru Branden Grace, Kristoffer Broberg og Steve Webster á samtals 10 höggum undir pari hver.

Louis Oosthuizen gengur ekki vel í mótinu er rétt á samtals 4 undir pari og er sem stendur í 32. sæti ásamt 6 öðrum kylfingum.

Til þess að sjá stöðuna eftir 3. hring Alfred Dunhill Championship SMELLIÐ HÉR: