Ragnheiður Jónsdóttir | ágúst. 17. 2013 | 09:00

Solheim Cup: Staðan eftir 1. dag 5-3 fyrir Evrópu

Titilvörnin gengur vel hjá liði Evrópu í Solheim Cup.  Eftir fjórmenning og fjórbolta 1. dags eru evrópsku stúlkurnar búnar að hala inn 5 vinninga (af þeim 14 sem þær þurfa til þess að sigra keppnina) á móti 3 vinningum bandaríska liðsins (sem þarf 14 1/2 vinning til þess að vinna Solheim bikarinn tilbaka), en s.s. kunnugt er vann lið Evrópu frækinn sigur árið 2011 í Killeen Castle á Írlandi.

Það veltur mikið á deginum í dag hvort evrópskur sigur vinnst því bandarísku stúlkurnar hafa löngum verið betri í tvímenningsleikjum sunnudagsins og því væri þægilegt ef sama niðurstaða fengist í dag í fjórmennings- og fjórboltaleikjunum og í gær, þ.e. (5 vinningar fyrir Evrópu) – þá þyrftu evrópsku stúlkurnar aðeins 4 vinninga í tvímenningunum (þær sem líklegastar þykja í liði Evrópu til að vinna tvímenningsleiki sína eru Suzann Pettersen, Caroline Hedwall, Catriona Matthews og Carlota Ciganda) … aðrar eru óskrifað blað þó spænsku stúlkurnar Beatriz Recari og Azahara Muñoz kynnu einnig að vinna leiki í tvímenning.

Eftir hádegis fjóboltaleikir föstudagsins fóru á eftirfarandi hátt:

Suzann Pettersen og Carlota Ciganda í liði Evrópu unnu Stacy Lewis og Lexi Thompson 1&0.

Suzanne og Carlota fögnuðu sigri í leik sínum eftir hádegi á föstudeginum í fjórbolta dagsins

Suzanne og Carlota fögnuðu sigri í leik sínum eftir hádegi á föstudeginum í fjórbolta dagsins

Carólínurnar“  þ.e. Caroline Hedwall og Caroline Masson í liði Evrópu unnu Angelu Stanford og Gerinu Piller 2&1.

Carólínurnar á blaðamannafundi eftir sigurinn í fjórboltanum

Carólínurnar á blaðamannafundi eftir sigurinn í fjórboltanum

„Brittany-urnar“ þ.e. Brittany Lincicome og Brittany Lang í liði Bandaríkjanna báru sigurorð af Önnu Nordqvist og Guiliu Sergas. Sjá má viðtal við „Brittany-urnar“ með því að SMELLA HÉR: 

Brittany Lang og Brittany Lincicome fagna sigri í fjórboltanum eftir hádegi á 1. degi - föstudeginum

Brittany Lang og Brittany Lincicome fagna sigri í fjórboltanum eftir hádegi á 1. degi – föstudeginum

Loks sigruðu Cristie Kerr og Michelle Wie í liði Bandaríkjanna þær Catrionu Matthew og Charley Hull 2&1. Sjá má viðtal við þær Christie og Michelle eftir sigur þeirra með því að SMELLA HÉR: 

Wie og Kerr fagna sigri!

Wie og Kerr fagna sigri!

Sjá má stöðu 1. dags í Solheim Cup og ráslið fyrir hádegis leikja laugardagsins (þ.e. dagsins í dag) með því að SMELLA HÉR: