Ragnheiður Jónsdóttir | ágúst. 21. 2013 | 12:00

Solheim Cup aftur í Evrópu

Solheim bikarinn sneri aftur til Evrópu, en farið var með hann til Colorado í Bandaríkjunum, þar sem hann var meðan lið Bandaríkjanna og Evrópu kepptust um hann.

Lið Evrópu hafði betur s.s. allir vita, 2. árið í röð og því er bikarinn aftur í Evrópu.

Hann er varðveittur í Buckinghamshire golfklúbbnum í Englandi, þar sem höfuðstöðvar Ladies European Tour (skammst.: LET) eru.

Flestir leikmenn beggja Solheim Cup liða keppa nú í vikunni á CN Canadian Women’s Open.

Sú sem á titil að verja er hin 16 ára unga Lydia Ko, frá Nýja-Sjálandi, en hún mun spila í ráshóp með Solheim Cup stjörnu Evrópu, Charley Hull, 17 ára, fyrstu tvo dagana í Royal Mayfair golfklúbbnum í Edmonton, Kanada.

Hull spilar í Kanada á undanþágu styrktaraðila og eins hefir hún fengið undanþágu til þess að spila á LPGA! Glæsilegt hjá Charley!!!