Sigurður Blumenstein varð T-4 á Opna skoska!!!

Fjórir kylfingar frá Íslandi kepptu á Opna skoska meistaramótinu, sem fram fór á Montrose vellinum, dagana 4. -6. apríl 2018 og lauk því í gær.

Keppendur á þessu móti voru 18 ára og yngri. GR-ingarnir Sigurður Bjarki Blumenstein og Viktor Ingi Einarsson voru í toppbaráttunni fyrir lokahringinn.

Sigurður Bjarki endaði jafn öðrum í 4. sæti, en hann átti góða möguleika á að vinna mótið. Því miður fékk hann fjóra skolla á síðustu fimm holunum og endaði á samtals 8 yfir pari. Sigurvegari mótsins var Patrick Schumecking frá Þýskalandi, en hann lék samtals á 6 yfir pari.

Sigurður Bjarki var á  samtals 8 yfir pari, 221 höggi (77 69 75).

Viktor Ingi lauk keppni 9. sæti, á samtals 11 yfir pari, 224 höggum (73 72 79).

Daníel Ísak Steinarsson úr GK var í 30. sæti fyrir lokahringinn. Hann bætti stöðu sína á lokahringnum og endaði í 16. sæti. Hann lék hringina þrjá á 14 yfir pari, 227 höggum (78 73 76).

Ingvar Andri Magnússon, GR komst ekki í gegnum niðurskurð.

Sjá má lokastöðuna á Opna skoska meistaramótinu með því að SMELLA HÉR: 

Aðalfréttagluggi: Sigurður Bjarki Blumenstein, GL. Mynd: seth@golf.is