Shevchenko með í Kharkov Superior Cup

Fyrrum framherji hjá AC Milan og Chelsea, Andriy Shevchenko, mun keppa ásamt fyrrum Ryder  Cup liðsmanni í liði Evrópu, Oliver Wilson og fyrrum sigurvegara á Evrópumótaröðinni, Nick Dougherty á Kharkov Superior Cup á heimaslóðum í Úkraínu, en mótið er hluti af evrópsku Áskorendamótaröðinni.

„Þetta er fyrsta stóra golfmótið sem ég tek þátt í og auðvitað er þetta fyrsta mótið sem ég spila í , í Úkraínu þannig að þetta er stórt fyrir golfið í landinu,“ sagði  Shevchenko m.a. í viðtali við Daily Telegraph.

„Ég hef spilað með svo mörgum góðum kylfingum í Pro-Am mótum, en það er öðruvísi. Ég vona að ég spili vel… en ég vil bara eiga góðar stundir og njóta vikunnar.“

Í verðlaunafé á mótinu eru um  €200,000 og mótið fer fram í Superior Golf and Spa Resort í Kharkov.

„Þessi völlur er ansi erfiður,“ sagði Shevchenko ennfremur, en hann var m.a. valinn knattspyrnumaður Evrópu árið 2004.

Þess mætti að lokum geta að eftir 3 keppnistímabil hjá Chelsea 2006-2009 þar sem hvorki gekk né rak, fluttist Shevchenko aftur heim til Úkraínu, þar sem hann gerði samning við fyrrum félag sitt Dynamo Kiev. Árið 2012 hætti hann í fótbolta og fór að skipta sér af pólitík, var m.a. í framboði fyrir Ukraina – Forward! (Sósíal Demókratana í Úkraínu) og tók m.a. 2. sæti á lista þeirra í Alþingiskosningum og studdi forsetaefni flokksins, Viktor Yanukovich. Fylgið við flokk Shevchenkos var aðeins 1,58% og náði flokkurinn engum þingsætum.

En nú er Sheva sem sagt farinn að spila golf og er bara býsna góður með 2 í forgjöf  ……