Alan B. Shepard Jr. fyrstur manna til að slá golfbolta á tunglinu – Myndskeið

Þan 20. júlí 1969 varð Neil Armstrong fyrsti maðurinn til þess að ganga á tunglinu. En fyrir golfáhangendur er lendingin á tunglinu fyrir u.þ.b. 47 árum, þ.e. þann 6. febrúar 1971 mun áhugaverðari.

Það var þá sem geimfarinn .Alan B. Shepard Jr (18. nóvember 1923 – 21. júlí 1998) steig á yfirborð tunglsins með Wilson Staff 6-járn, sem hann hafði komið fyrir um borð í Apollo 14 og sló tvo golfbolta sem hann hafði falið í geimfarabúningi sínum s.s. frægt er.

Málið var að Shepard var ákveðinn í að gera eitthvað sérstakt á tunglinu. Aðeins lítill hluti starfsfólks NASA vissi hvað Shepard var að reyna að gera. Shepard huldi m.a. kylfuna með sokk.

Áður en Shepard sló höggið á tunglinu sagði hann: „Í vinstri hendi minni er lítill, hvítur bolti sem er kunnuglegur milljónum Ameríkana. Ég ætla að reyna að slá högg í sandgryfju.“

Um 2. högg sitt sagði Shepard að boltinn hefði flogið mílur á mílur ofan. Rétt er að boltinn fór 300 yarda (274 metra) og var 35 sekúndur í loftleysinu á tunglinu að fara þessa vegalengd. Já og það með 6-járni!

En auðvitað voru vísindi á bakvið höggið og það ekki bara slegið til gamans. Geimfarinn vildi sanna að í loftleysinu og með miklu minna þyngdarafli gætu golfboltar farið lengra á tunglinu en á jörðinni.

Shepard dó 74 ára, en hann gaf kylfuna USGA safninu í New Jersey, þannig að kynslóðir kylfinga gætu séð fyrstu kylfuna sem notuð var til að slá golfbolta á tunglinu! Sjá má mynd af þessari frægu kylfu hér að neðan:

Wilson Staff golfkylfan sem fór á tunglið 1971

Hér má sjá myndskeið þar sem Sheppard slær golfbolta á tunglinu SMELLIÐ HÉR: 

Hér svona aukalega má sjá hvernig 32 golfvellir líta út utan úr geim SMELLIÐ HÉR: