Schwartzel sér eftir að brjóta kylfu

Charl Schwartzel sér eftir að brjóta kylfu eftir að hann sló slæmt högg á Opna breska risamótinu í síðasta mánuði, en hann sagði í nýlegu viðtali nú að það að spila með uppsafnaða reiði í sér hefði neikvæðari áhrif á heildar frammistöðu sína. Jeminn, hvað ef allir hugsuðu svona?

Schwartzel gengur frá staðnum þar sem hann braut 8-járnið. Kylfuberinn heldur á kylfubrotinu. Æ, ömurlegt að sjá þetta!

„Þetta er mjög erfitt stundum,“ sagði hinn 28 ára stórkylfingur aðspurður um hvernig sér tækist að tækla pirringinn, sem grípur alla kylfinga stundum út á velli vegna misheppnaðra högga.

„Sumu fólki tekst að hafa stjórn á sér. Sumir þurfa að tjá reiði sína einhvern veginn. Ég verð að koma þessu út til þess að geta haldið áfram,“ sagði Schwartzel í viðtali þar sem m.a. kom fram að hann myndi reyna að verja tiitl sinn í Thailand Golf Championship, sem fram fer 12.-15. desember.

„Ég get bara ekki haldið þessu uppsöfnuðu í mér. Það hefir meiri áhrif á leik minn heldur en ef ég tjái mig um slæmt högg eða hvernig s.s. höggið er.“

Á Muirfield í sumar urðu allir vitni að reiði Suður-Afríkumannsins þegar hann braut 8-járn eftir misheppnað aðhögg úr djúpum karga.

„Augljósleg er ég ekkert stoltur af þessu,“ bætti Schwartzel við. „Þetta var bara í því augnabliki þegar stressið var sem mest. Þetta var jafnvel ekkert svo slæmt högg. Ég ætlaði mér ekkert að brjóta kylfuna. Jörðin var bara svo hörð og kylfan brotnaði bara á einhverju veiku horni. Ég er ekkert stoltur af því en a.m.k. á næsta degi kom ég tilbaka og spilaði goltt golf,“ sagði Schwartzel sem var meðal efstu 15 á Opna breska risamótinu.