Ryder Cup 2021: Bandaríkin 6 – Evrópa 2 eftir 1. dag

Ja, hvað skal segja annað en að úrslitin eftir 1. dag séu viðbúin.

M.ö.o.: Það mátti búast við því að lið Bandaríkjanna hefði yfirburði í þessum Ryder – Þar sem fyrirliðinn er frá Wisconsin og þekkir Whistling Straits, þar sem keppt er, eins og handarbakið á sér og allir bandarísku keppendurnir eru þekkt nöfn í golfheiminum og hafa miklu meira af ungum og sprækum nýliðum, sem allir hafa skarað fram úr,  meðan lið Evrópu teflir fram fleiri gömlum reynslurefum á fimmtugsaldri, sem ekkert hafa sýnt á undanförnum misserum.

Bandríska liðið er einfaldlega betra og 6-2 úrslit eftir 1. dag, sanngjörn.

Jon Rahm ber evrópska liðið á herðum sér og er sá eini, sem stendur upp í hárinu á Bandaríkjamönnunum – hann hefir átt þátt í flestum vinningsstigum Evrópu 1 1/2.  Heiðurinn af hinu hálfa stiginu eiga norski frændi okkar Viktor Hovland og Solheim Cup stjarnan frækna frá París 2018, Tommy Fleetwood.

Spurning hvort Padráig Harrington hafi fengið bakþanka með tattúið?

Annars er pörunin í fjómenningi laugardagsmorgunsins eftirfarandi:

Brooks Koepka & Daniel Berger g. Jon Rahm & Sergio Garcia

DJ & Collin Morikawa g. Paul Casey & Tyrrell Hatton

Justin Thomas & Jordan Spieth g. Viktor Hovland & Bernd Wiesberger

Xander Schauffele & Patrick Cantlay g. Lee Westwood & Matthew Fitzpatrick

Ef eitthvað er mark takandi á frammistöðu fyrri dags, þá spáir Golf 1 hér 3 1/2 vinningi fyrir Bandaríkin gegn 1/2 vinningi Evrópu.

Einn stærsti sigur Bandaríkjanna í Rydernum virðist vera í uppsiglingu!

Fylgjast má með framhaldinu með því að SMELLA HÉR: