Ragnheiður Jónsdóttir | september. 26. 2012 | 15:30

Ryder Cup 2012: Donald og Garcia paraðir saman á 2. æfingadegi

Sergio Garcia og Luke Donald spiluðu saman í fjórmenningi á 2. æfingadegi í Medinah.

Garcia og Donald eru með 4 vinninga úr 4 leikjum í fjórmenningi í fyrri leikjum og það virðist næsta víst að þeir verði paraðir saman þegar leikar hefjast fyrir alvöru n.k. föstudag.

Þeir spiluðu á æfingunni við Rory og G-Mac en það er önnur liðsheild sem virðist næsta pottþétt Evrópu megin.

Lee Westwood, sem spilaði fjórbolta á æfingunni paraður með Donald spilaði nú með Paul Lawrie og á móti Francesco Molinari og Nicolas Colsaerts.

Ian Poulter og Justin Rose léku saman annan daginn í röð og spiluðu æfinga fjórbolta við Peter Hanson og  Martin Kaymer.

Fyrir æfinginguna sagði Garcia, sem hefir unnið átta og skilað jöfnu í einum leik af 9, um uppstillinguna: „Þetta er ofureinfalt – ég hef alltaf verið með frábæra félaga – Þeir hafa borið mig á höndum sér.“

„Ég veit ekki. Mér hefir komið vel saman við félaganna sem ég hef haft – við höfum spilað vel saman og þetta verið þægilegt.“

„Það er ekkert stórt leyndarmál. Þetta snýst um að vera fær um að spila vel á réttu augnablikunum – fjórmenningsleikirnir eru erfiðasta leikformið okkar, þannig að það að þægilegt sé að spila með félaganum er lykillinn að góðu gengi.“