Russell Knox á 59 á Web.com móti

Aðeins 2 vikum eftir að Will Wilcox átti hring upp á 59 á  móti Web.com mótaraðarinnar: Utah Championship, sjá frétt Golf1 þar um með því að SMELLA HÉR:   þá endurtók Russell Knox afrekið í Hillcrest Country Club á 2. hring the Albertsons Boise Open, sem var líka mót á Web.com mótaröðinni.

Knox er 28 ári Skoti, sem hóf leik á 10. teig og byrjaði á að fá fugl þegar á 10. holu. Síðan fékk hann 4 pör í röð áður en hann lék síðustu 4 holurnar á fyrri 9 á 4 undir pari.  Hann átti síðan æðislegar seinni 9 (sem eru fyrri 9  í Hillcrest CC)  fékk fyrst par á 1. holu (10. holu sína) en fylgdi því síðan með erni á 2. holu og 5 fuglum í röð þar á eftir og lauk hringnum á 2 pörum.  Á holum nr. 15 til 7 var hann á 11 undir pari. Hér er skorkortið hans:

Knox sagði í viðtali við Garry Smits á the Florida Times-Union  að sér hefði fundist að hann myndi ná lágu skori, en aldrei í lífinu hefði honum dottið í hug að hann myndi ná „tölunni“ (þ.e. 59 og brjóta 60).

 „Maður sér aldrei fyrir að skorið verði 59″ sagði maðurinn frá Inverness við Times-Union í símaviðtali. „En mér fannst eins og þetta myndi verða góður hringur.  Ég sá bara fyrir í huga mér að ég myndi leika vel þá vikuna.“

Knox var á 69 á fyrsta hring sínum í mótinu og var 14 undir pari og á 128 höggum fyrir helgina. Hann varð hins vegar langt frá 1. sætinu. Kevin Tway sigraði.  Russell Knox deildi 12. sætinu samtals á 19 undir pari 265 höggum (69 59 68 69).  Allir hringir undir 70 en samt varð Knox  „aðeins“ í 12. sæti. Sigurskorið hjá Tway var upp á samtals 23 undir pari – 4 höggum betra en hjá Knox. Hann (Tway) vann auk þess Spencer Levin á 1. holu í bráðabana en þeir báðir voru á 23 undir pari. Skorin eru stöðugt að verða lægri og meira um að kylfingar séu stöðugir í lágu skorunum.

Hér má sjá lokastöðuna í mótinu SMELLIÐ HÉR: 

„Ég er ánægður með hvernig ég hef verið að spila undanfarna mánuði,“ sagði Knox. „Ég hef fulla trú á að eitthvað gott muni gerast.“

En jafnvel þó Knox hafi „aðeins“ lent í 12. sæti í mótinu, þá er hann samt aðeins 5. leikmaðurinn í sögu Web.com til þess að vera á 59 höggum í móti.   Hér er listinn yfir þá sem náð hafa að brjóta 60 í sögu Web.com mótaröðinni: (eða Nike mótaröðinni eins og hún hét 1998 og Nationwide.com eins og hún hét 2005):

Svona að lokum: Að vera á skori á hring upp á 59 högg mun ævinlega verða álitið frábært afrek eða hvað? Erum við að koma að þeim stað í golfsögunni þar sem 59 er ekkert svo sérstakt, þar sem það er að verða algengara skor?  Er skor upp á 59 hið nýja 61?  Tveir leikmenn Web.com með 59 á innan við 2 vikna millibili.  Svo er á það að líta að Golf1.is var fyrst allra golffréttamiðla hérlendis með fréttina af Massie sem að vísu lék ekki á Web.com, heldur einni af minni mótaröðum í Bandaríkjunum (Mini Tour) og var með skor upp á 56, þrátt fyrir að hafa verið með víti á hringnum.  Sjá fréttina með því að SMELLA HÉR: