Rory og Tiger mætast í 1 dags holukeppniseinvígi í Kína

Númer 1 í heiminum Rory McIlroy mun mæta 14-földum sigurvegara risamóta Tiger Woods í eins dags holukeppniseinvígi við Jinsha vatn í Kína, var haft eftir skipuleggjendum atburðarins fyrr í dag.

Dúó-ið, tveir af frægustu kylfingum heims verða einu keppendur þessa 18 holu viðburðar, sem fram fer í Jinsha Lake Golf Club, í Zhengzhou, höfuðborg Henan-umdæmisins, 29. október n.k.

„Þetta er spennandi concept og það verður gaman að mæta Tiger maður á mann,“ sagði hinn 23 ára Rory McIlroy.

„Einvígið við Jinsha vatn er það fyrsta þar sem ég og Tiger mætumst í holukeppni, þannig að ég hlakka virkilega til. Ég hef alltaf litið upp til Tiger sem kylfings. Það sem hann hefir náð í leiknum er framúrskarandi.“

Einvígið – þar sem ekkert verðlaunafé er í boði – fer fram mánuði eftir að Rory og Tiger spila í Ryder Cup.

Rory McIlroy endurheimti toppsæti heimslistans í byrjun þessarar viku eftir að sigra á PGA Championship með 8 högga mun á næsta mann og þar með 2. risamótstitil sinn, en hann vann Opna bandaríska með sama mun í fyrra.

Tiger er nr. 3 í heiminum og hefir sigrað 3 sinnum á mótum í ár, en þriðji sigur hans var 100. sigur hans á ferlinum og gefur fyrirheit um að hann sé að nálgast toppform aftur.

„Með stórauknum vexti íþróttarinnar í Asíu sem og því að golf er ólympíugrein núna á Ólympíuleikunum 2016, þá er viðeigandi að þessi viðurburður fari fram í Kína,“ bætti Rory við.

Heimild: Khaleej Times