Rory og fleiri kylfingar hryggir yfir sprengjuárásinni í Manchester

S.l. mánudag 22. maí 2017 dóu 22 manns í Manchester Arena í England, eftir að sprengja sprakk eftir Ariana Grande tónleika.

Engu að síður mun flaggskipsmót Evrópumótaraðarinnar fara fram, hefst á morgun, en það er í Surrey, sem er ekki langt frá Manchester.

Framkvæmdastjóri Evrópumótaraðarinnar, Keith Pelley , var hryggur yfir sprengjuárásinni: „Ég vaknaði í morgun og leit á veðurfréttirnar, hugsandi um golfvöllinn og styrkleika mótsins og spenntur fyrir deginum og síðan kveikti ég á SKY News og heyrði um harmleikinn í Manchester. Það er erfitt að trúa því að þetta hafi gerst í aðeins 160 mílna fjarlægð héðan.“

„Hugsanir okkar og bænir eru með fjölskyldum fórnarlambanna. Þetta er ótrúlegt en af virðingaskyni við þær mun þjóðfáninn vera í hálfa stöng við Wentworth klúbbinn og það verður að sjálfsögðu engin tónlist á æfingasvæðinu.„

„Þið vitið að ég hef verið hér nú í 21 mánuð eftir að hafa farið frá Kanada og eitt af því sem ég hef lært um bresku þjóðina eru ótrúleg þolgæði hennar og þessi þolgæði krefjast þess í dag að við höldum ró okkar og höldum áfram og það er nákvæmlega það sem við munum gera í dag og það sem eftir er vikunnar. En manni er virkilega þungt um hjartað í dag.“

Chris Wood, kylfingur á Evrópumótaröðinni sagði: „Ég á 3 mánaða barn og þetta snertir mann enn dýpra þegar maður veit að það voru börn á tónleikunum. Þannig að þetta er dapur morgun og golf virðist virkilega ekki skipta máli.“

„Þetta er hræðilegt og golfið er ekki mjög mikilvægt þegar svona atburðir gerast,“ bætti Tyrrell Hatton við. „Þetta er augljóslega dapur dagur og allir kylfingar eru slegnir og  líkt og aðrir í sjokki, ég er viss um það.“

Aðrir kylfingar tjáðu sig á félagsmiðlunum, t.d.: 

Branden Grace: „So sad to hear about the terrible news on what happend in Manchester!! „

(Lausleg þýðing: Svo sorgmæddur að heyra þær hræðilegu fréttir um hvað gerðist í Manchester!!„

Rory McIlroy: „This makes me so angry and sad at the same time. Thoughts and prayers with everyone in Manchester at this horrific time.“

(Lausleg þýðing: Þetta gerir mig reiðan og sorgmæddan á sama tíma. Hugsanir og bænir eru með öllum í Manchester á þessari hræðilegu stund.“)