Rory McIlroy sigraði á UBS Hong Kong Open

Rory McIlroy sigraði í Fanling á UBS Hong Kong Open á samtals -12 undir pari, samtals 268 höggum (64 69 70 65). Fyrir sigurinn hlaut hann €341.724 og setti þar með stórt strik í reikninginn fyrir Luke Donald, að verða sá fyrsti til þess að verða efstur á peningalista Evrópumótaraðarinnar og PGA sama árið.

„Ég hef viljað sigra þetta mót svo mikið síðan ég lenti í umspilinu 2008,“ sagði McIlroy eftir sigurinn, en frammistaða hans í mótinu er eftirfarandi s.l. 4 ár: 2. sætið (2008); 2. sætið (2009) 6. sætið (2010). „Ég þurfti að bíða í nokkur ár, en að halda á þessum bikar í höndunum er mjög sérstakt.“

Í 2. sæti í Hong Kong varð Frakkinn Grégory Havret, á samtals -10 undir pari, samtals 270 höggum (70 69 66 65), en leikur hans fór batnandi með hverjum deginum. Aðeins höggi á eftir í 3. sæti varð Svíinn Peter Hanson.

Fjórða sætinu deildu síðan 3 kylfingar: Thaílendingurinn Pariya Junhasavasdikul, Skotinn Richie Ramsay og Englendingurinn Ian Poulter, allir á samtals -8 undir pari, hver.

Til þess að skoða önnur úrslit á USB Hong Kong Open smellið HÉR: