Rory McIlroy 200 milljónum króna ríkari!

Rory McIlroy var rétt í þessu að sigra á Shanghai Masters eftir bráðabana við Anthony Kim. Hann glutraði niður 3 högga forystu sinni eftir 11 holu spil og setti niður fugl seint og síðar meir á 15. braut til þess að jafna skor Anthony, sem var samtals á -18 undir pari.  Rory hefði getað náð sigri, en púttin vildu bara ekki detta á 17. og 18. braut. Það þurfti því að koma til umspils milli hans og Anthony Kim, sem Rory vann strax á 1. holu.  Báðir slógu drævin sín í sandglompu og Anthony missti síðar stutt pútt, en Rory setti niður meters pútt og er rúmum 200 milljónum íslenskra króna ríkari fyrir vikið!

Þriðja sætinu deildu Hunter Mahan (70) ásamt Noh Seung-Yul (73).

Lee Westwood varð síðan í 5. sæti, en hann var á 67 höggum í dag, á hring þar sem hann fór m.a. holu í höggi á 12. braut.