Ragnheiður Jónsdóttir | október. 28. 2013 | 11:15

Rory fær 180 milljónir

Rory McIlroy er talinn hljóta $1,5 milljónir (u.þ.b. 180 milljónir íslenskra króna) fyrir einvígi sitt við Tiger Woods, sem fram fór á Hainan eyju í Kína, fyrr í dag

Einvígið er gert fyrir sjónvarpsáhorfendur í Kína og mikilvægt til þess að laða fleiri að golfíþróttinni, en ljóst er að Kína er geysistór golfmarkaður með fjölda tækifæra.

Þetta 3 klst og 15 mín einvígi var ábatasamt fyrir þá báða en Tiger er talinn hljóta yfir $2 milljónir (yfir 240 milljónir íslenskra króna) þannig að hann ætti nú aldeilis að eiga fyrir jólagjöf handa Lindsey!

Á BMW Masters lauk Rory keppni í 27. sæti sem hann deildi með öðrum og hann viðurkenndi að hann þarfnaðist „góðrar viku“ þegar hann snýr aftur til Shanghaí til þess að ná því að vera meðal þeirra 60, sem keppa um bónus Race to Dubai pottinn á Evrópumótaröðinni.

Sigurtékkahlið þess að vinna bónuspottinn er eflaust ekki það eina sem freistar Rory við Dubai – hann er búinn að græða vel á einvíginu í Kína.

Þetta snýst eflaust meira um að vera með og sanna sig, klára þetta hræðilega ár ofarlega í mótinu!

„Mér finnst að leikur minn sé miklu betri en skorið segir til um,“ sagði Rory eftir BMW Masters. „Ég skildi svo sannarlega nokkra (fugla) eftir þarna á flötunum. Ég var að gefa sjálfum mér fullt af tækifærum og fyrr en seinna hlýtur þetta að ganga upp og þeir allir (þ.e. fuglarnir/ernirnir) að detta.“