Rory: „Ég er meira en bara fáni“

Nr. 1 á heimslistanum, Rory McIlroy, talaði í spjallþættinum „The Interview“ á RTE um vanda sinn þegar kemur að því að velja fyrir hvaða þjóð hann muni að keppa á Olympíuleikunum 2016.

Hann sagði m.a. að hann vildi hvorki vekja reiði Íra né Breta.

Rory sagði: „Þetta er erfitt. Þegar maður er frá Norður-Írlandi hefir það í för með sér vandræði þegar maður verður að velja fyrir hvora þjóðina maður spilar. Þetta er bara erfið staða vegna þess að maður vill ekki valda neinum vonbrigðum eða reiði.“

Rory var umdeildur s.l. september þegar hann sagði í viðtali að hann hallaðist meira að því að spila fyrir Breta.

Það olli m.a. miklu uppnámi meðal áhanganganda hans á Twitter og jafnvel vanir fréttamenn voru farnir að láta vanþóknun sína í ljós varðandi yfirlýsingu hans.

Í bréfi á Twitter deginum síðar skýrði Rory stöðu sína og uppástóð að hann væri ekki tilbúinn að taka neina ákvörðun varðandi Rio.

Í viðtalsþættinum, sem verðurs sjónvarpaður á Írlandi og Bretlandi n.k fimmtudag sagði Rory að sér finndist ekki að sig langaði til að vera bundinn við írska eða breska fánann á íþróttaferli sínum.

„Mér finnst ég vera meira en fáni. Ég spila golf og er alþjóðlegur íþróttamaður og það bindur mig ekki við einn fána eða eitt samband.“