Rory: „Áhuginn á einkalífi mínu fór í taugarnar á mér“

Rory McIlroy sagði nú nýlega að þessi eilífi áhugi og naflaskoðun á einkalífi hans hafi farið í taugarnar á honum á árinu sem er að líða.

Í október s.l. fóru af stað sögusagnir um að hann og kærasta hans, tennisstjarnan Caroline Wozniacki, væru skilin.  Caroline var fljót að bera sögusagnirnar tilbaka, en Rory svaraði lengi engum spurningum um meintu sambandsslitin, þannig að margir héldu að hann væri að hugsa um að skilja eða sambandið væri búið frá hans hlið.

Golfgoðsögnin Gary Player gaf sögusögnunum byr undir báða vængi þegar hann gagnrýndi samband Rory og Caroline og sagði að farsæld hans á golfvellinum væri að þakka góðri eiginkonu og því að allt væri í lagi í einkalífinu.

„Þetta er fyrsta árið þar sem ég hef virkilega þurft að vera undir smásjá og gagnrýni og ég tel að maður verði þá bara að trúa á sjálfan sig og reyna að láta þetta ekki hafa áhrif á sig,“ sagði Rory áður en hann og Caroline stigu upp í flugvél heim til Flórída.

„Ég hins vegar lét þetta fara í taugarnar á mér nokkrum sinnum í ár og það var erfitt –  þetta er ekki erfið staða það er e.t.v. ekki rétt  – en þetta var svo sannarlega krefjandi.“

Rory segist standa á sama þó gerð sé réttarlæknisfræðileg rannsókn á sveiflu hans en s,ambærilega smásjárskoðun á einlífi hans segir hann pirrandi.

Þannig sagði hann: „Mér er sama hvað fólk segir um golfið mitt og allt hitt. En það er bara þegar farið er að grafa í einkalíf manns, sem það fer að fara í taugarnar á manni.  Hvort sem það er Caroline, hvort sem það eru umboðsfyrirtæki mín, þetta ætti í raun aðeins að snúast um golfið mitt. Það er þetta sem fer meira en nokkuð annað í taugarnar á mér.“