Röng myndbirting við fréttina um Ásgerði Sverrisdóttir sem vann Læknamótið – Fastus

Golf 1 birti í fyrradag grein um að Ásgerður Sverrisdóttir, GR, hefði sigrað í Læknamótinu – Fastus, þar sem hún var eini kvenþátttakandinn, en sigraði á glæsilegan máta. Það leiða atvik átti sér stað að birt var röng mynd með fréttinni, þ.e. af klúbbfélaga Ásgerðar, Helgu Hilmarsdótttur og eru hlutaðeigandi beðnir afsökunar á þessum leiðu mistökum. Hér birtist fréttin að nýju ásamt réttri mynd af Ásgerði.

„Föstudaginn 10. ágúst s.l. fór fram á Hlíðavelli hjá GKJ, lokað mót – Læknamótið -Fastus, sem eingöngu var ætlað læknum. Þátttakendur voru 16 talsins og þar af aðeins 1 kona, Ásgerður Sverrisdóttir, GR, krabbameinslæknir. Keppnisfyrirkomulag var punktakeppni og það skemmst frá því að segja að ekki þurfti fleiri kvenlækna…. Ásgerður sigraði starfsbræður sína á 36 punktum. Sigur Ásgerðar er einkum glæsilegur í ljósi þess hversu forgjafarlág hún er, var forgjafarlægst af þeim sem þátt tóku, en lágforgjafarkylfingar eiga oft erfitt uppdráttar í punktamótum. Glæsilegt hjá Ásgerði!!!

Í 2. sæti varð Guðlaugur B. Sveinsson, GK, húðlæknir aðeins 1 punkti á eftir Ásgerði og í þriðja sæti var Þorbjörn Guðjónsson, GR, hjartalæknir á 31 punkti.

Í 4. sæti varð Steinn Auðunn Jónsson, GR, barnalæknir á 30 punktum og í 5. sæti varð Guðmundur Arason, GÖ, kvensjúkdómalæknir, á 29 punktum. Reyndar varð Börkur Aðalsteinsson, GR, geislalæknir, einnig á 29 punktum en Guðmundur var betri á seinni 9, með 16 punkta.“

Önnur úrslit voru eftirfarandi: