Rickie stefnir á titilvörn á Deutsche Bank

Mót vikunnar á PGA Tour fer fram í  Massachusetts en það er 2. mótið í FedEx Cup umspilinu, Deutsche Bank Championship

Rickie Fowler stefnir að því að verja titil sinn á TPC Boston.

Eftir slakan lokahring á The Barclays í síðustu viku verður Rickie a.m.k. að bæta árangur sinn á Deutsche Bank Championship.

Hann varð að landa 3. sætinu eða gera betur á Bethpage Black í síðustu viku til þess að tryggja sér sæti sitt í Ryder bikars liði Bandaríkjanna, en spilað er um bikarinn fræga á Hazeltine í Bandaríkjunum að þessu sinni.

Hann hafði tækifærið í höndum sér en það fór forgörðum og nú verður hann að treysta á að fyrirliði liðs Bandaríkjanna Davis Love III velji hann í liðið.

En hey! Hvað er Ryderinn án Rickie Fowler, sem er gríðarlega vinsæll í Bandaríkjunum? – Það verður að telja næsta öruggt að Love velji Rickie … en það, eins og annað, á bara eftir að koma í ljós.