Reynir Sigurbjörns og Dean Edward Martin sigruðu í góðgerðargolfmóti Team Rynkeby Ísland til styrktar krabbameinssjúkum börnum

Í sumar mun Ísland í fyrsta sinn taka þátt í einu stærsta samnorræna góðgerðaverkefni Norðurlanda ,,Team Rynkeby“. Þá munu 33 Íslendingar hjóla á einni viku frá Kaupmannahöfn til Parísar um 1300 km leið til stuðnings Styrktarfélagi Krabbameinssjúkra barna á Íslandi. Í för verða einnig 8 manna aðstoðarlið.

Þátttakendur í Team Rynkeby Ísland er hópur fólks með ólíkan bakgrunn. Öll með það sameiginlega markmið að safna peningum til styrktar krabbameinssjúkum börnum. Í samstarfi við Golfklúbbinn Leyni efndi Team Rynkeby til veglegs golfmóts á Garðavelli, 27. maí s.l., þar sem allur ágóði rann til styrktar verkefninu.

Leikfyrirkomlag var  18 holu punktakeppni í tveimur flokkum 0-10,1 og 10,2 og yfir. – Hámarksforgjöf karla var 24 og 28 hjá konum.

Heildarverðmæti vinninga var nærri 500.000 kr. – Veitt voru verðlaun fyrir 1. – 3. sæti í báðum flokkum. Nándarverðlaun voru veitt á öllum par-3 holum og auk þess voru afhentar veglegar teiggjafir og veitt útdráttarverðlaun í lok móts.

Verðlaun og vinningar voru m.a. frá eftirtöldum fyrirtækjum:

ÓG Eldvarnamiðstöðinni, Caruso Reykjavík, Hótel Örk, Lava Centre, Into The Glacier, Hreyfing, Adventures, ÍSAM, Mathús Garðabæjar, Cintamani, Golfklúbbur Vestmannaeyja, Nýherji, Bláa lónið.

Alls tóku 67 kylfingar þátt í góðgerðarmóti Rynkeby þar af 11 kvenkylfingar.

Sigurvegarar í flokk 0-10,1 voru eftirfarandi:

1 Reynir Sigurbjörnsson GL 8 F 16 20 36 36 36
2 Helgi Dan Steinsson GL -1 F 18 18 36 36 36
3 Björn Bergmann Björnsson GK 8 F 21 15 36 36 36

Sigurvegarar í flokk 10,2 og yfir voru eftirfarandi:

1 Dean Edward Martin GL 14 F 19 22 41 41 41
2 Njörður Ludvigsson GR 11 F 19 20 39 39 39
3 Vilhjálmur E Birgisson GL 13 F 20 18 38 38 38