Retief Goosen snýr aftur til keppni eftir uppskurð í baki

Retief Goosen mun spila á fyrsta móti sínu í næstum 5 mánuði á Volvo Golf Champions í Suður-Afríku eftir að hafa gengist undir bakuppskurð.

Tvöfaldur sigurvegari Opna bandaríska (Goosen), sem keppti síðast í ágúst 2012, varð að taka sér langt frí frá golfleik til þess að láta lagfæra brjósklos.  Hann byrjar aftur 6 vikum fyrr en áætlað var.

Í viðtali við fréttafulltrúa European Tour sagði Goosen: „Ég er mjög spenntur fyrir nýja árinu. Augljóslega hafa síðastliðinn 3 ár verið slæm.“

„Á síðasta ári reyndi ég svolítið af öllu…. sprautur, var mikið hjá sjúkraþjálfara, allt hugsanlegt en ekkert var virkilega að virka. Að síðustu átti ég einskis annars valkosti en að fara í aðgerð.“

„Það hafa næstum liðið 5 mánuðir síðan þá. Ég hef verið án verkjalyfja og það hreinsar kerfið svolítið. Ég byrjaði að slá bolta, en bara hálf högg, u.þ.b. fyrir 3 vikum síðan og mér leið vel.“

Goosen á í beltinu 14 sigra á Evrópumótaröðinni en hefir ekki sigrað síðan 2007 og segir að þar sem golf sé ófyrirsjáanlegt geti allt eins farið að hann sigri í Durban.

„Vonandi verður bakið eins gott og það er núna. Ég þarf bara að vinna í sveiflunni svolítið og finna leikinn. Ég sit ekki hérna og býst við að vinna, en maður veit aldrei í þessum leik!“

Heimild: Sky Sports