Reed í 14. sæti heimslistans

Patrick Reed sem sigraði Jimmy Walker í bráðabana í fyrsta móti PGA Tour árið 2015, Tournament of Champions í Hawaii, fór vegna sigursins upp um 9 sæti á heimslistanum.

Reed var í 23. sæti heimslistans fyrir mótið en er nú kominn í 14. sætið!

Þetta er besti árangur Reed til þessa á heimslistanum.

Staða allra hinna 13 efstu á heimslistanum er óbreytt.

Rory McIlroy  er enn í toppsætinu,  Henrik Stenson í 2. sæti og síðan koma eftirfarandi kylfingar í réttri röð, 3. Adam Scott, 4. Bubba Watson, 5. Sergio Garcia, 6. Justin Rose, 7. Jim Furyk, 8. Jason Day, 9. Jordan Spieth, 10. Rickie Fowler, 11. Matt Kuchar, 12. Martin Kaymer og 13. Billy Horschel.