Ragnar Már í 7. sæti og Guðrún Brá í 32. sæti á Duke of York eftir 2. dag

Ragnar Már Garðarsson, GKG efnilegasti kylfingur Íslands 2012 og Guðrún Brá Björgvinsdóttir, GK, stigameistari GSÍ í stúlknaflokki taka þessa dagana þátt í The Duke of York Young Champions Trophy. Mótið stendur dagana 11. -13. september 2012.

Guðrún Brá Björgvinsdóttir, GK. Mynd: gsimyndir.net

Leikið er á golfvelli Royal Troon Golf Club í Ayshire, Skotlandi.

Ragnar Már er samtals búinn að spila á 153 höggum (76 77) og deilir sem stendur 7. sætinu, með nokkrum öðrum kylfingum.

Guðrún Brá bætti sig um 5 högg frá því í gær og fór upp um 5 sæti; þ.e. hún er búin að spila  á samtals 161 höggi (83 78) og deilir 32. sætinu með nokkrum öðrum.

Golf 1 óskar þeim Ragnari Má og Guðrúnu Brá góðs gengis á morgun!

Til þess að sjá stöðuna eftir 2. dag á  The Duke of York Young Champions Trophy SMELLIÐ HÉR: