Erfið byrjun hjá Ragnari Má í Flórída – er á 4 yfir eftir 9 holur

Ragnar Már Garðarsson, GKG, hóf í dag keppni á Orange Bowl International Championship, sem að venju fer fram á golfvelli Biltmore hótelsins fræga í Coral Gables, í Flórída. Mótið stendur dagana 27.-30. desember 2012. Þátttakendur eru 61.

Ragnar Már hlaut þátttökurétt í mótinu eftir sigurinn í Duke of York mótinu í september s.l.  Mótið er mjög sterkt, því þar taka þátt einhverjir sterkustu ungu kylfingar Bandaríkjanna og reyndar heimsins alls. Í efsta sæti eins og er, er t.a.m. ungur kylfingur frá Englandi,  Patrick Kelly, sem byrjaði á því að fá örn á 1. holu og er kominn á 5 undir par, eftir 13 holur.

Ragnar Már fór illa af stað en hann er 4 yfir pari eftir 9 holur, er búinn að fá 4 skolla og 5 pör.

Til þess að fylgjast með gengi Ragnars Más í Orange Bowl SMELLIÐ HÉR: