Ragnheiður Jónsdóttir | janúar. 17. 2012 | 14:20

Q-school LET: Tinna var á 79 höggum í dag

Tinna Jóhannsdóttir, GK, lauk við að spila 3. hring á lokaúrtökumóti LET nú rétt í þessu. Hún kom í hús á 79 höggum; fékk 3 skolla á fyrri 9 og 5 skolla á seinni 9. Samtals spilaði Tinna á +8 yfir pari í dag.  Samtals er Tinna því búin að spila á +16 yfir pari þ.e.  samtals 231 höggi (76 76 79) og vonir um að hún verði meðal 50 efstu orðnar ansi daufar. Tinna er sem stendur í 93. sæti þegar þetta er ritað kl. 14:15.  Sætistalan getur breyst því nokkrar eiga eftir að ljúka leik.

Sem stendur er enska stúlkan Jodi Ewart í efsta sæti er samtals búin að spila á -10 undir pari og á 9 holur eftir ókláraðar af 3. hring.

Enski kylfingurinn Jodi Ewart er sem stendur
efst í Q-school LET á La Manga.

Þær sem deila 46. sætinu eru allar á +7 yfir pari og þyrfti Tinna að vinna upp 6-8 högg á morgun til þess að eiga möguleika á takmörkuðum þátttökurétti á LET og því að komast í 5. hring.

Golf 1 óskar Tinnu góðs gengis á morgun.

Til þess að sjá stöðuna á 3. degi Q-school LET smellið HÉR: