Q-school LET: Tinna lauk leik á 2. hring á 71 höggi!

Tinna Jóhannsdóttir, GK,  lauk leik á Norður-velli La Manga á 71 höggi. Hún byrjaði á 10. teig og fékk strax skolla á 11. braut en síðan 3 fugla á seinni 9 og var í -2 undir pari eftir 9 holur. Það gekk ekki eins vel með fyrri hluta Norður-vallarins, en Tinna fékk skolla á 17. og 18. braut – í blálokin, sem hefir verið svekkjandi…. og spilaði því samtals á pari. Alls hefir Tinna spilað á +1 yfir pari 145 höggum (74 71)

Aðeins örfáar af þeim 101 sem eru í B-hóp úrtökumótsins fyrir LET hafa spilað á eða undir pari og er Tinna sem stendur í góðri stöðu. Þegar þetta er skrifað er Tinna jöfn nokkrum öðrum í 11. sæti, en margar eiga eftir að ljúka 2. hring og á sætisskipanin því eftir að breytast aðeins eftir því sem líður á daginn.  Ljóst er þó að Tinna er í hóp efstu 35 eins og staðan er núna, sem fá að spreyta sig um sæti á Evrópumótaröðina að viku liðinni, spili hún vel seinni helming þessa fyrri hluta úrtökumótsins.

Hér má fylgjast með stöðunni á La Manga í B-hóp 2. dag úrtökumótsins: LA MANGA – LET ÚRTÖKUMÓT 2012