Q-school LET: Glæsilegt Tinna! – Lék 3. hring á -2 undir pari!

Til hamingju Tinna!  Tinna Jóhannsdóttir, GK, átti sinn albesta hring á fyrri hluta úrtökumóts LET til þessa á Suður-velli La Manga, í Cartagena, Murcia á Spáni. Hún byrjaði á 10. teig í dag, en fékk því miður skolla á 11. og 15. braut en lét ekki deigann síga og lauk fyrri 9 á fallegum fugli á 18.  Tinna var því á +1 eftir fyrri 9.

Síðan spilaði hún seinni hluta hrings síns á fyrstu 9 holum Suður-vallarins. Og þar spilaði hún eins og engill, skollafrítt, fékk 3 fugla, á 1., 3. og 7. braut og glæsiskor dagsins upp á -2 undir pari staðreynd!

Tinna er samtals á -1 undir pari, búin að spila hringina 3 á samtals 216 höggum (74 71 og 71). Hún er í 5. sæti þegar þetta er ritað, en nokkrar eiga eftir að ljúka leik.

Golf 1 óskar Tinnu góðs gengis á Norður-vellinum á morgun!

Til þess að sjá stöðuna eftir 3. dag á úrtökumóti LET á La Manga smellið HÉR: