Púttmót Keiliskvenna hefjast 18. janúar n.k. – Frábært púttnámskeið hjá Jóhanni golfkennara í gær!

Í gær hittust Keiliskonur í tíma hjá Jóhanni Hjaltasyni, golfkennara og fór hann yfir undirstöðuatriðin í púttum.  Þessi tími var hugsaður sem undirbúningur, en vikutíminn fram á næsta miðvikudag verður notaður til að æfa púttstrokuna og verða Keiliskonur til alls vísar þegar fyrsta mótið byrjar, miðvikudaginn 18. janúar n.k. kl. 19:30 stundvíslega.

Í tilkynningu frá kvennanefnd Keilis segir eftirfarandi:

„Vetrarstarfið verður með hefðbundnum hætti, púttmót keiliskvenna verða á miðvikudögum frá kl. 19.30 – 20.30 í inniaðstöðunni okkar í Hraunkoti. Mótin eru eingöngu ætluð konum úr Keili.

(Kvenna)púttmótin byrja síðan miðvikudaginn 18. janúar og verða vikulega þaðan í frá, alls 10 mót. Lokamótið verður 21.mars. Í hverju móti eru spilaðar 18 holur, tveir hringir í hvert skipti og gildir betri hringurinn. Þær sem skila inn 4 kortum eru gjaldgengar í keppninaPúttmeistari Keiliskvenna 2012.

Á öskudaginn 22. febrúar vonumst við til að flestar konur mæti í „viðeigandi klæðnaði“ eftir það mót verður boðið upp á léttar veitingar. Það verður kosið um besta búninginn og verðlaun fyrir hann veitt á vorhátíðinni.

Við viljum hvetja þær konur sem eru nýjar í Keili að mæta á púttkvöldin því þau eru  tilvalin vettvangur til að kynnast öðrum konum í klúbbnum.

Keppnisfyrirkomulag púttmótanna

Mótin hefjast kl. 19.30

Leiknar verða 2 x 18 holur

Mótsgjald er kr.500. Greiða þarf mótsgjald með peningum við getum ekki tekið kort. Við bjóðum upp á kaffi og gos á efri hæðinni eftir mótin, tilvalið er að setjast þar niður eftir hringinn og spjalla.

Púttmeistari Keiliskvenna 2012  verður sú sem er með besta samanlagt skor úr 4 hringjum.

Verðlaunaafhending fyrir púttmótin verður á Kvennakvöldi Keilisföstudaginn 30.mars kl. 20.00 í Golfskálanum. Nánari auglýsing um vorhátíðina verður send út síðar.

Kvennanefndin árið 2012:

Ingveldur Ingvarsdóttir – formaður, sími 698 – 6450       
Birna Ágústsdóttir – gjaldkeri
Þórdís Geirsdóttir                          
Hjördís Sigurbergsdóttir
Margrét Sigmundsdóttir
Ragnheiður Ríkharðsdóttir

Upplýsingar um vetrarstarfið og úrslit púttmóta verður sent út í tölvupósti til Keiliskvenna. Þær sem ekki eru á póstlista og vilja fá reglulegar fréttir af kvennastarfinu eru beðnar að senda netfangið sitt tilkvennastarfkeilis@internet.is              

Með golfkveðju Kvennanefnd Keilis“