Poulter gerir grín að klæðnaði Rory

Rory McIlroy og Ian Poulter hafa skipst á tvítum, þar sem Poulter virðist vera að gera góðlátlegt grín að klæðnaði Rory.

Rory, 25 ára, var í þrískiptum, köflóttum tvídjakkafötum og við þau rauða sokka, þegar hann fór á leik Manchester United og Swansea og sýndi Claret Jug í hálfleik.

Poulter, var fljótur að gera grín að því að sér virtist sem Rory hefði verið í sömu jakkafötunum þegar hann horfði á tennisleik á  Wimbledon í júní.

Jafnframt virðist sem Poulter telji að Rory sé að „stela“ fötum/fatahugmyndum sínum, en Poulter sendi Rory m.a. eftirfarandi tvít:

„Hey you can keep your Claret Jug but can I have my suit back please Mr @McIlroy-Rory I thought something was missing“ (Lausleg þýðing: „Hey, þú getur haldið Claret Jug en get ég, gjörið svo vel, fengið jakkafötin mín aftur Hr. @McIlroy-Rory, mér fannst eitthvað hafa horfið (úr fataskápnum)“

Rory svaraði að jakkafötin væru sín, vegna  aukahlutsins, sem fylgdu þeim:

„Sorry @Ian-JamesPoulter you must be mistaken… this suit was only available with the claret jug!“

(Lausleg þýðing: Því miður @Ian-JamesPoulter þér hlýtur að skjátlast…. þessi jakkaföt komu aðeins með Claret Jug!“ svaraði Rory. )