Phil Mickelson fær inngöngu í frægðarhöll kylfinga 2012

Phil Mickelson mun hljóta inngöngu í fræðgarhöll kylfinga á næsta ári. Einn af  valdamestu mönnum í stjórn golfíþróttarinnar lýsti Phil sem hinni fullkomnu fyrirmynd.

Tilkynnt var um að hinn 41 árs Phil myndi fá inngöngu í frægðarhöllina í Flórída á hóteli í Singpore.  Það var framkvæmdastjóri PGA, sem tilkynnti ákvörðunina og mærði einn vinsælasta kylfing golfíþróttarinnar (Phil Mickelson).

Phil og Bones á Barclays 2011

Meðan fjölmiðlar eru enn uppfullir af kynþáttaníð Steve Williams í garð Tiger  bar Finchem ekkert nema lof á Mickelson.

„Ímynd kylfinga og ímynd  golfíþróttarinnar er það sterkasta sem við höfum. Það er mesti kostur okkar sem stofnunar,“ sagði Finchem við blaðamenn.

„Phil hefir gefið til íþróttarinnar á jákvæðan hátt s.l. tvo áratugi og hann er allt það sem maður vill sjá í leikmanni. Ef allir kæmu fram eins og Phil viku eftir viku, þá myndum við vera sterkari út á við. Blessunarlega er stærsti hluti kylfinga þannig, en Phil hefir verið gulls ígildi í þessu samhengi og leikmenn og styrktaraðilar okkar standa í þakkarskuld fyrir það og aðdáendur hans kunna svo sannarlega að meta það líka.“

Phil, sem er í Singapore og keppir þar á Barclays sagði að hann væri stoltur af því að hljóta þessa viðurkenningu og að stofnunin setti hann þar með á stall við menn á borð við Jack Nicklaus, Gary Player og Ben Hogan o.fl.

„Kærar þakkir til þeirra sem kusu mig inn í frægðarhöllina,“ sagði hann. „Þetta er gríðarlegur heiður að það skuli minnst á mig samhliða þeim stóru nöfnum í golfinu gegnum öldina. Ég á enn eftir að ná mörgu í þessari íþrótt og það er ekki á dagskrá að hægja ferðina á næstunni.“

Formleg vígsluathöfn í frægðarhöllina mun fara fram á Players Championship í Flórida, í maí 2012.

Heimild: stuff.co.nz