PGA: Zach Johnson, Matt Kuchar og Kevin Na leiða þegar The Players er hálfnað

Það eru Bandaríkjamennirnir Kevin Na, Matt Kuchar og Zach Johnson, sem leiða þegar The Players er hálfnað. Þeir  eru  allir búnir að spila á samtals -8 undir pari, Kevin Na (67 69); Zach Johnson (70 66) og Matt Kuchar (68 68).

Í fjórða sæti er Harris English höggi á eftir þremenningunum. Í 5. sæti eru 5 kylfingar, þ.á.m. forystumaður gærdagsins Martin Laird, en allir spiluðu þeir í 5. sæti á – 6 undir pari.

Tilvonandi Ferrari Enzo kaupandinn, Ian Poulter sem leiddi ásamt Laird í gær átti „afleitan“ hring upp á 76 högg og er T-17 á -3 undir pari, ásamt 13 öðrum kylfingum þ.á.m. Luke Donald, Lee Westwood og Rickie Fowler.

Tiger Woods gerði okkur öllum greiða og spilaði á 68 höggum og flaug í gegnum niðurskurð og er  T-31 á samtals -2 undir pari ásamt 10 öðrum kylfingum þ.á.m. mjög þekktum nöfnum á borð við Jim Furyk, Phil Mickelson, Martin Kaymer og Henrik Stenson.

Til þess að sjá stöðuna þegar The Players er hálfnað smellið HÉR: