PGA: Tiger trónir á toppnum þegar Farmers Insurance Open er hálfnað – Hápunktar og högg 2. dags

Tiger Woods átti frábæran 2. hring á Farmers Insurance Open – 7 undir pari, 65 högg og leiðir nú mótið með 2 högga forskot á þann sem næstur kemur.

Tiger  er búinn að spila á samtals 11 undir pari, 133 höggum (68 65).  Tiger fékk m.a. glæsiörn á 18. holu Norðurvallarins, en auk þess 6 fugla, 10 pör og 1 skolla.  Um skeið á hringnum í gær glitti í „gamla Tiger“ og snilldartakta horfinna tíma, í rigningunni í La Jolla.

Í 2. sæti 2 höggum á eftir Tiger er Billy Horschel, á samtals 9 undir pari, 135 höggum (66 69). Sjá má kynningu Golf 1 á Horschel með því að SMELLA HÉR: 

Sex kylfingar deila 3. sætinu, þ.á.m. tvöfaldi hjartaþeginn Erik Compton; allir á samtals 8 undir pari hver, 3 höggum á eftir Tiger. 75

Mike Weir komst í gegnum niðurskurð er T-41 þrátt fyrir slakan hring upp á 75 högg til að fylgja eftir frábærum hring hans fyrsta daginn upp á 66 högg, sem kom honum í 2. sætið, 1. daginn – en engu að síður áfangasigur – fyrsta skiptið í 18 spiluðum mótum að Weir tekst að komast gegnum niðurskurð!!!

Aðrir voru ekki eins heppnir og Weir og spila ekki um helgina en meðal þeirra eru: Jhonattan Vegas, Scott Stallings (með hring upp á 78 eftir 66 högga fyrri hring!!!); Camilo Villegas; David Lingmerth; John Daly; Ryo Ishikawa, Keegan Bradley og Geoff Ogilvy.

Til þess að sjá stöðuna á Farmers Insurance Open eftir 2. dag SMELLIÐ HÉR:

Til þess að sjá hápunkta 2. dags á Farmers Insurance Open SMELLIÐ HÉR:

Til þess að sjá högg 2. dags á Farmers Insurance Open SMELLIÐ HÉR: