Ragnheiður Jónsdóttir | janúar. 26. 2018 | 23:00

PGA: Tiger náði niðurskurði!

Það var eins og að fara aftur í tímanum – Tiger dregur að sér fjöldann … sama hver er í forystu.

Hann var ónákvæmur af teig á Farmers Insurance Open í kvöld og þurfti töfra stutta spilið sitt til að bjarga sér á köflum – skiptir ekki máli – fólk vill sjá golfgoðsögnina hinn 79-falda PGA Tour sigurvegara (Tiger).

Hann þurfti nauðsynlega á fuglum að halda til þess að halda sér í mótinu – og sá öllum fyrir fyrirtaks drama.

Vegna fjölda bakuppskurða hefir Tiger ekki tekist að leika 3. hring í móti frá því á  Wyndham Championship í ágúst 2015 ….  en hann komst í gegnum niðurskurð í kvöld í fyrsta sinn SEM ER FRAMFÖR!!!

Ég barðist hart, það er nokkuð sem ég hef gert allan minn feril og þetta er ekkert öðruvísi,“ sagði Tiger eftir hringinn.

Ég hef verið fjarverandi frá leiknum í nokkur ár, þannig að það er næs að fara þarna út og keppa aftur.“

Ég er enn að venjast tilfinningunni, en það tekur meiri tíma. Ég þarfnast enn fleiri hringja undir beltið.

En Tiger mun klára mót í þetta sinn … sem sýnir að allt er á réttri leið.

Hann er 7-faldur sigurvegari Farmers Insurance Open og vann einnig Opna bandaríska á vellinum 2008, þannig að hann er öllum hnútum kunnur.

Tiger er nú T-65 þ.e. rétt slapp í gegnum niðurskurð jafn þeim 12 sem einnig rétt sluppu inn á 1 undir pari, 143 höggum (72 71).

Það er gott að Tiger er kominn aftur!

Til þess að sjá hápunkta á 2. hring Tigers SMELLIÐ HÉR: