Ragnheiður Jónsdóttir | september. 27. 2013 | 19:30

PGA: Tiger leikmaður ársins – Spieth nýliði ársins

Tiger vann 5 mót á árinu —þar af tvö heimsmót.

Eins og þetta væri ekki nógu einstætt. Nei… ekki þegar Tiger er annars vegar.

Hann var nefnilega í dag valinn leikmaður ársins af félögum sínum á PGA Tour.

„Þetta hefir bara verið frábært ár allt í allt,“ sagði Tiger. „Það er líka ótrúleg tilfinning að hafa verið valinn af félögum sínum og maður verður auðmjúkur af því að njóta þessarar tegundar virðingar þeirra.“

Jordan Spieth var valinn nýliði ársins.

„Ég hef í rauninni ekki haft tíma til að halla mér aftur og hugsa um það,“ sagði Spieth um keppnistímabilið. „En, jamm, án nokkurs status þá er erfitt að búast við eða hugsa sér að eitthvað eins og þetta (að verða valinn nýliði ársins) geti gerst. Ég hef sjálstraust og liðið mitt trúði svo sannarlega á að mér myndi takast þetta.  Bara á því  hvernig árið þróaðist. Mér finnst ég mjög lánsamur og  blessaður og mjög, mjög heppinn. Allt í allt þegar ég horfi aftur eftir nokkrar vikur þá held ég að ég muni loks ná þessu. En í augnablikinu hlakka ég bara svo mikið til Forsetabikarsins.“