PGA: Tiger byrjar illa – 73 högg!

Tiger byrjar hræðilega illa á Memorial mótinu, sem er mót vikunnar á PGA Tour.

Hann kom í hús á 1 yfir pari, 73 höggum; en á hringnum leit lengi vel út að hann myndi aftur spila á 80 höggum en t.a.m. var hann á 40 höggum fyrri 9.

Tiger byrjaði á 10. teig og átti skrautlegar fyrri 9; þar fékk hann 2 fugla en líka 4 skolla og 1 skramba! Honum gekk síðar skár á seinni 9 þ.e. holum 1-9 en þær spilaði hann á 3 undir pari 33 höggum og því samtals 73 höggum! Sem stendur er hann T-85 og á eflaust eftir að fara enn neðar á skortöflunni; en fjölmargir eiga eftir að ljúka leik – en ljóst að 1 yfir sæmir ekki fyrrum nr. 1 á heimslistanum!

Eftir hringinn sagði Tiger m.a. : „Líkamlega líður mér vel en andlega er ég í rusli.“

Til þess að fylgjast með stöðunni á Memorial mótinu SMELLIÐ HÉR: