PGA: Steve Stricker efstur þegar Hyundai TOC er hálfnað – Spilaði á 63 höggum!

Steve Stricker sýndi öllum og sannaði af hverju hann er efstur Bandaríkjamanna á heimslistanum, en hann er nú í 6. sæti heimslistans. Jafnframt sýndi hann öllum að stirðleikinn sem hann hefir verið að fást við í hálsvöðvum og kraftleysi í handlegg, virðist ekki há honum. Hann var bara 1 höggi frá því að setja nýtt vallarmet á Plantation golfvellinum í Kapalua á Hawaii í nótt. Golfleikur hans var það næsta við fullkomnun.

Steve Stricker kom í hús á 63 glæsihöggum!  Hann spilaði skollafrítt, fékk 8 fugla og örn á par-5 15. brautina. Stricker leiðir nú á mótinu, er á samtals -15 undir pari, 131 höggi (69 62) og á 5 högg á næsta mann, 2. tekjuhæsta kylfing síðasta tímabils, Webb Simpson, sem sýnt hefir mikinn stöðugleika og spilað á 68 báða dagana og er því á 136 höggum, þ.e.-10 undir pari.

Í 3. sæti er síðan enn einn Bandaríkjamaðurinn, Kevin Na, sem skrifaði sig inn í sögubækur í nótt á lokaholum Plantation, þar sem hann fékk 2 erni í röð. Glæsilegra verður það varla! Golfið í nótt var hreinasta flugeldasýning.  Kevin er á samtals -9 undir pari, þ.e. 137 höggum (73 64).

Fjórða sætinu deila síðan forystumaður gærdagsins, Jonathan Byrd og Skotinn Martin Laird, báðir á -8 undir pari hvor, þ.e 138 höggum; Byrd (67 71) og Laird (68 70).

Til þess að sjá stöðuna á Hyundai TOC smellið HÉR: 

Til þess að sjá högg dagsins; annan af 2 örnum Kevin Na á lokaholum 2. hrings (hér á 18. holunni) smelið HÉR: 

Til þess að sjá hápunkta 2. dags á Hyundai TOC smellið  HÉR: