Ragnheiður Jónsdóttir | maí. 14. 2013 | 10:30

PGA: Stuttbuxnabænaskjalið – myndskeið

Golffataframleiðandinn Ashworth Golf hefir gert skemmtilega auglýsingu/myndskeið, sem er einskonar stuttbuxnabænaskjal  (nefnist Ashworth Golf Pants Petition á ensku)

Í myndskeiði Ashworth Golf  gera Retief Goosen, Justin Rose, Sean O´Hair, Johnson Wagner og Justin Leonard kröfu um það að fá að spila í stuttbuxum.

Á mótum PGA Tour, sem haldin eru á suðlægari slóðum eru hiti og raki oft mikill en vegna hefða í golfi verða leikmenn mótaraðarinnar að vera í síðbuxum.

Framangreindir leikmenn reyna í myndskeiðinu að túlka golfreglur þannig að stuttbuxur falli innan leyfilegs golfklæðnaðar. Þannig segir Justin Leonard t.a.m. fullviss um að stuttbuxur hljóti að falla innan viðurkenndrar golftísku.  Johnson Wagner finnst ósanngjarnt að konur megi vera í stutbuxum en ekki karlar og telur það vera mismunun.

Hægt er að sýna stuðning í verki og skrifa undir Ashworth stuttbuxnabænaskjalið með því að  SMELLA HÉR:  (Frábært fyrir okkur konurnar því þá fáum við að sjá meira af velþjálfuðum lærum uppáhalds karlkylfinganna okkar! 🙂 )

Best er að skoða myndskeiðið/Ashworth Golf Pants Petition sjálf með því að SMELLA HÉR: