Ragnheiður Jónsdóttir | mars. 16. 2013 | 03:30

PGA: Stefani enn í 1.sæti – Scott og Choi fast á eftir í 2. sæti á Tampa Bay Championship – Hápunktar og högg 2. dags

Nýliðinn á PGA Tour, Shawn Stefani heldur forystu eftir 2. dag Tampa Bay Championship…. en Ástralinn Adam Scott fylgir fast á hæla honum.

Stefani er búinn að spila á samtals 7 undir pari, 135 höggum (65 70).  Aðeins 1 höggi á eftir koma svo Scott  og reyndar líka KJ Choi, frá Suður-Kóreu, á 6 undir pari, 136 höggum; Scott (70 66) og Choi (69 67).

Fjórða sætinu deila Jason Dufner, Harris English, Brian Harman og Peter Tomasulo, 2 höggum á eftir Stefani á samtals 5 undir pari, 137 höggum hver.

Tag Ridings og Sergio Garcia deila 8. sætinu á samtals 4 undir pari, hvor. Fyrrum nr. 1 á heimslistanum, Luke Donald er T-31 á sléttu pari.

Meðal þess markverðasta á 2. hring Tampa Bay Championship var að tvöfaldur risamótsmeistari John Daly tókst að slá 10 högg á par-4 3. holunni (þeirri 12.  á hring Daly) sem varð til þess að hann náði ekki niðurskurði. Þetta er í 15. skipti sem Daly tekst að slá a.m.k. 10 högg á eina holu á ferli sínum á PGA mótaröðinni bandarísku.

Aðrir sem ekki náðu niðurskurði eru m.a.: Louis Oosthuizen, YE Yang, Camilo Villegas, Ryo Ishikawa og Martin Kaymer.

Til þess að sjá stöðuna eftir 2. dag Tampa Bay Championship SMELLIÐ HÉR:

Til þess að sjá hápunkta 2. dags á Tampa Bay Championship SMELLIÐ HÉR:

Til þess að sjá högg 2. dags á Tampa Bay Championship, sem Luke Donald átti á par-4 16. holunni SMELLIÐ HÉR: