PGA: Spieth sigraði á John Deere Classic!

Jordan Spieth, 19 ára, skrifaði sig í golfsögubækurnar fyrr í kvöld þegar hann sigraði í 3 manna bráðabana, sem fór á 5. holu.

Spieth er fyrsti táningurinn í 82 ára sögu PGA til að sigra í móti á mótaröðinni, en það gerðist síðast árið 1931.   Hann kom sér í bráðabana eftir ævintýralegt fuglavipp á 18. flöt sem sjá má með því að SMELLA HÉR: 

Þeir Jordan Spieth, Zach Johnson og David Hearn voru allir á samtals 19 undir pari, 265 höggum; Spieth (70 65 65 65); Johnson (64 66 67 68) og Hearn (66 66 64 69).

Það varð því að koma til bráðabana til þess að skera úr um sigurinn. Á fyrstu holu fengu allir par. (Par-4 18. holan spiluð).  Á annarri holu  (18. spiluð aftur) fór allt á sama veg.  Á 3. holu bráðabanans var par-3 16. holan spiluð og enn fengu allir par. Á 4. holu var par-5 17. holan leikin og enn var allt jafnt – allir fengu par. Síðan var par-4 18. holan spiluð í 3. sinn og nú fengu Johnson og Hearn skolla og Spieth vann á pari!

Það var til mikils að vinna fyrir Spieth því með sigrinum fær hann fulla aðild að PGA mótaröðinni, hann fær að taka þátt í FedEx Cup umspilinu í haust og eins fær hann að spila í Opna breska risamótinu í Muirfield nú í vikunni!

Til þess að sjá úrslitin á John Deer Classic mótinu í Illinois SMELLIÐ HÉR: 

Til þess að sjá hápunkta á 4. degi John Deer Classic mótinu SMELLIÐ HÉR: