PGA: Sigurþrá Keegan Bradley

Keegan Bradley hefir átt sæmilegt 2013-2014 keppnistímabil; hann hefir 6 sinnum orðið meðal efstu 25 í mótum, hápunktur hans og besti árangur á því tímabili: T-10 árangur í Malasíu.

Fyrir hinn metnaðarfulla Bradley er þetta auðvitað ekki nándar nægilega gott.  Hann þráir að sigra og halda sigurbikarnum á lofti.

Gerist það í kvöld? Bradley er aðeins 3 höggum á eftir forystumanni Arnold Palmer boðsmótsins, nr. 2 á heimslistanum, Adam Scott og þeir fara því út saman í kvöld.

„Ég virkilega þrái að sigra þetta mót, það er alveg öruggt,“ sagði Bradley eftir að hann var á 6 undir pari, 66 höggum í gær. „Ég myndi  elska það að sigra fyrir (risamótið í) Augusta, augljóslega.  Ég hugsa að allir vilji það.“

Bradley, sem er 27 ára, hefir sigrað í 3 PGA Tour mótum, en í engu frá árinu 2012, þegar hann vann WGC-Bridgestone Invitational. Hann hefir nokkrum sinnum verið nálægt því síðan þá, sbr. m.a. 2. sæti hans á síðasta ári í Dallas og Akron.

„Ég hef gefið sjálfum mér mörg frábær færi á sigri á síðastliðnum 2 árum,“ sagði Bradley. „ (En) það er virkilega, virkilega erfitt að sigra þarna úti.“

Eftir að hafa fylgst með Patrick Reed, Jimmy Walker og Harris English vinna oftar en einu sinni hvern á s.l. mánuðum þá vonast Bradley nú til þess að binda endi á eigið sigurleysi og vinna eitt eða tvö mót sjálfur.

„Það þarf ekki mikið til þess að vinna nokkur mót,“ sagði Bradley. „Það er svo fín lína (milli þess) að sigra og verða í 10. sæti. Vonandi næ ég (í dag) að vera á lágu skoru og ná að sigra.“