Scottie Scheffler. Mynd: Robb Carr Bandaríski kylfingurinn Scottie Scheffler átti sögulegan 2. hring á Northern Trust mótinu, sem er mót vikunnar á PGA Tour.
Sjá má kynningu Golf 1 á Scheffler með því að SMELLA HÉR:
Hann átti hring upp á 59 glæsihögg og er 12. kylfingurinn í sögu PGA Tour til þess að vera á undir 60 höggum í mótum mótaraðarinnar.
Hinn 24 ára Scheffler skilaði skollalausu meistaraskorkorti með 12 fuglum, og skipti þeim jafnt á fyrri og seinni 9 holurnar.
Scheffler er jafnframt næstyngsti kylfingurinn til þess að vera á 59 höggum eða betra í PGA Tour móti – aðeins Justin Thomas var yngri þegar hann náði glæsihring sínum upp á 59 högg.
Scheffler hafði tækifæri á að jafna við Jim Furyk, sem er sá eini sem hefir átt skor upp á 58 í móti PGA Tour.
Hins vegar náði Scheffler hvorki fugli á 17. né erni á 18. sem hefði þurft til þess að ná því skori.
„Maður fær ekki mörg tækifæri til þess að vera á 59, þannig að ná að ljúka þessu á þessu skori er virkilega svalt og ég var svo sannarlega stressaður, mjög stressaður í báðum þessum höggum … (Taugarnar og hugsanirnar um 59) voru í hausnum á mér…“ sagði Scottie Scheffler að loknum hringnum glæsilega.
JustinThomas (2017 Sony Open in Hawaii), Kevin Chappell (2020 A Military Tribute at The Greenbrier), Brandt Snedeker (2018 Wyndham Championship), Adam Hadwin (2017 The American Express), Stuart Appleby (2010 A Military Tribute at the Greenbrier), Paul Goydos (2010 John Deere Classic), David Duval (1999 The American Express), Chip Beck (1991 Shriners Hospitals for Children Open) og Al Geiberger (1977 Danny Thomas Memphis Classic).