PGA: Russell Henley leiðir e. 3. dag Deutsche Bank mótsins

Það er Russell Henley, sem leiðir fyrir lokahring Deutsche Bank Championship, en mótið fer fram á TPC Boston, í Norton, Massachusetts.

Henley er búinn að leika á 12 undir pari, 201 höggi (70 66 65); en á 3. hringnum í dag, sem var einkar glæsilegur, fékk hann 7 fugla og 1 skolla.

Aðeins 1 höggi á eftir Henley er Billy Horschel á samtals 11 undir pari, 202 höggum (69 66 67) og þriðja sætinu deila 3 kylfingar sem allir hafa leikið á samtals 10 undir pari, hver: Rory McIlroy, Chris Kirk og Jason Day.

 Webb Simpson, er einn í 6. sæti  á samtals 9 undir pari og Ryan Palmer, sem búinn var að leiða fyrstu 2 mótsdagana virðist vera að fatast flugið en hann deilir nú 7. sæti ásamt Keegan Bradley, Kevin Streelman og Seung-Yul Noh, sem allir hafa spilað á samtals 8 undir pari, hver.

Til þess að sjá stöðuna eftir 3. dag Deutsche Bank Championship SMELLIÐ HÉR: