PGA: Rory varði titil sinn á RBC Canadian Open!

Það var Rory McIlroy sem stóð uppi sem sigurvegari á RBC Canadian Open.

Þar með varði hann titil sinn frá árinu 2019; en mótið féll niður 2020 og 2021 vegna Covid-19.

Sigurskor Rory var 19 undir pari, 261 högg (66 68 65 62). Fyrir sigurinn hlaut Rory $1.566 milljón (uþb. 208 milljónir íslenskra króna).

Rory átti 2 högg á Tony Finau sem varð í 2. sæti á samtals 17 undir pari, 263 höggum (66 71 62 64).

Justin Thomas varð síðan í 3. sæti á samtals 15 undir pari 265 höggum (69 69 63 64).

Wyndham Clark, sem var í forystu fyrstu 2 daga mótsins varð T-7 á samtals 10 undir pari.

Sjá má lokastöðuna á RBC Canadian Open með því að SMELLA HÉR: