PGA: Romero sló í merki – drævaði með pútternum

Argentínski atvinnukylfingurinn Andres Romero sló í teigmerki í teighöggi sínu á 15. teig á Barracuda Championship s.l. laugardag og handarbraut sig.

Hann spilaði síðan síðustu 4 holurnar með því að slá af teig með pútternum sínum.

Þetta skrítna háttarlag átti sér stað eftir að Romero fékk skolla á 13. og 14. holur á 3. hring Barracuda mótsins. Eftir atvikið sem ekki náðist á filmu leyfðu dómarar ráshópnum á eftir ráshóp Romero að fara fram úr.

Romero gat notfært sér Stableford kerfið til þess að klára 3. hring. Þar sem tvöfaldur skolli er versta skorið á hverri holu, sem hefir í för með sér 3 punkta þá tíaði Romero upp á öllum loka 4 holum sínum, notaði pútterinn til að koma bolta sínum í leik og tók síðan upp.

Romero dró sig úr mótinu eftir hringinn. Hann spilar ekki í PGA Championship og það er aðeins 1 mót þar til The Barclays byrjar, sem er fyrsta mót FedEx Cup umspilsins.

Bandaríkjamaðurinn JJ Henry sigraði í mótinu eftir bráðabana við landa sinn Kyle Reifers.

Sjá má lokastöðuna á Barracuda Championship með því að SMELLA HÉR: